02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
«Հրադադարի հարցը նույնիսկ սեղանին դրված չէ». Իսրայելի պաշտպանության բանակ
Քաղաքականություն
03.11.2023 | 18:53
Գազայում Իսրայելի պաշտպանության բանակը կռվում է «ամբողջ ուժով»: Մարդասիրական կազմակերպությունները մտավախություն ունեն, որ չեն կարողանա օգնել շրջափակված քաղաքում մնացած խաղաղ բնակիչներին, հաղորդում է Euronews-ը:
Իսրայելական զորքերը գործում են Գազա քաղաքում՝ վերջին ժամերին հարվածելով ՀԱՄԱՍ-ի դիրքերին, շտաբներին և արձակման կետերին, հայտնում է Իսրայելի պաշտպանության բանակը:
«Ինժեներների կորպուսն աշխատում է ստորգետնյա ենթակառուցվածքների, պայթուցիկ նյութերի և այլ սպառնալիքների տեղակայման և վնասազերծման ուղղությամբ, որպեսզի զորքերը կարողանան ազատ տեղաշարժվել։ Հրադադարի հարցը նույնիսկ դրված չէ սեղանին։ Պաշտպանության բանակը պատերազմում է, որպեսզի ոչնչացնի ՀԱՄԱՍ-ին»,- ասել է ՊԲ խոսնակ, բրիգադային գեներալ Դանիել Հագարին:
Վարչապետ Բենիամին Նեթանյահուի խոսքով՝ Իսրայելի պաշտպանության ուժերը Գազայի հատվածում մարտերի «գագաթնակետին են»։
ՀԱՄԱՍ-ի ռազմականացված թևի՝ «Ալ-Քասամ բրիգադի» ներկայացուցիչն իր հերթին ասել է, որ քաղաքի համար մղվող մարտն «անեծք կդառնա Իսրայելի համար»:
Ուրբաթ առավոտյան իսրայելական զինվորականները հայտարարեցին ևս չորս զինվորի մահվան մասին։ Սրանով ցամաքային գործողությանը մասնակցած Իսրայելի պաշտպանության բանակի զոհված զինծառայողների ընդհանուր թիվը հասել է 23-ի։
Հոկտեմբերի 7-ին զինյալների հարձակման ժամանակ ընդհանուր առմամբ զոհվել է 338 իսրայելցի զինվոր։
«Հրադադարի հարցը հիմա նույնիսկ սեղանին դրված չէ. Իսրայելի պաշտպանության բանակը պատերազմի մեջ է. Նա պատերազմ է մղում ՀԱՄԱՍ-ին ոչնչացնելու համար»,-հայտարարել է Հագարին։
Ալ-Քուդս հիվանդանոցը, որը մեծությամբ երկրորդն է Գազա քաղաքում, դրա շրջակա տարածքը պարբերաբար գնդակոծվում են, հայտնում է Պաղեստինի Կարմիր մահիկը։ Ուրբաթ վաղ առավոտյան ավիահարվածի հետևանքով վիրավորվել է ավելի քան 20 մարդ:
Ռմբակոծությունները «վտանգի տակ են դնում նվիրյալ բուժանձնակազմի և տարածքում գտնվող հազարավոր խաղաղ բնակիչների կյանքը», ասվում է կազմակերպության հայտարարության մեջ:
