14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Արևմտյան Եվրոպայում հզոր «Կիարան» փոթորիկը վեց մարդու կյանք է խլել
Քաղաքականություն
03.11.2023 | 15:12
Արևմտյան Եվրոպայում մոլեգնում է «Կիարան» հզոր փոթորիկը, որի հետևանքով առնվազն վեց մարդ է զոհվել, հայտնում է Reuters-ը։
Հաղորդվում է, որ 2-ական մարդ մահացել է Ֆրանսիայում և Բելգիայում, մեկական մարդ՝ Նիդերլանդների հարավում և Իսպանիայի մայրաքաղաքում։
Տեղի իշխանությունների տվյալներով՝ Ֆրանսիայում 1,2 միլիոն տնային տնտեսություններ մնացել են առանց էլեկտրականության։ Երկրի գերատեսչություններից մեկի՝ Ֆինիստերի իշխանությունները կոչ են արել բնակիչներին մնալ տանը, քանի որ քամու արագությունը հասնում է 207 կմ/ժ-ի, ինչը հանգեցրել է ծովում 20 մետրանոց ալիքների ձևավորման։
Հորդառատ անձրևները հեղեղումների պատճառ են դարձել Հյուսիսային Իռլանդիայում և Բրիտանիայի որոշ հատվածներում։
Հոլանդական KLM ավիաընկերությունը չեղյալ է հայտարարել հարյուրավոր չվերթներ, փակվել են նաև բեռնափոխադրումների երթուղիները երկրի հարավ-արևմուտքում։
Իսպանիայում փոթորկի պատճառով չեղարկվել է 42 չվերթ։
