10.04.2026 | 19:42
«Հուշանվեր» թղթադրամներով խարդախություն Շենգավիթում․ ոստիկանների բացահայտումները
ԱՄՆ-ն ԱԹՍ-ներով փնտրում է ՀԱՄԱՍ-ի կողմից պահվող պատանդներին
Քաղաքականություն
03.11.2023 | 17:02
ԱՄՆ-ը Գազայի հատվածում անօդաչու թռչող սարքեր է օգտագործում՝ փորձելով տեղեկություններ հավաքել Իսրայելի վրա հարձակման ժամանակ ՀԱՄԱՍ-ի կողմից պահվող պատանդների մասին։ Այս մասին Reuters-ին հայտնել են ամերիկացի երկու պաշտոնյաներ, որոնցից մեկը պարզաբանել է, որ ամերիկյան անօդաչու թռչող սարքերն արդեն մեկ շաբաթ է՝ թռչում են Գազայի հատվածի վրայով, փոխանցում է Meduza-ն։
Լրատվամիջոցի զրուցակիցների խոսքով՝ ԱՄՆ իշխանությունները չեն բացառում, որ Իսրայելի վրա ՀԱՄԱՍ-ի հարձակումից հետո անհետ կորածների ցուցակում հայտնված տասը ամերիկացիներ կարող են գերության մեջ գտնվել։
Ենթադրվում է, որ ահաբեկիչները պատանդներին պահում են Գազայի հատվածում փորված թունելներից մեկում։
Հավելենք, որ վերջին տվյալներով՝ ՀԱՄԱՍ-ի կողմից Գազայում պահվող պատադների թիվը հասել է 242-ի։
Էմմա Չոբանյան
