18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Ամերիկացի սենատորն առաջարկել է ուսումնասիրել ՆԱՏՕ-ից Թուրքիային հեռացնելու հարցը՝ ՀԱՄԱՍ-ը ոչ ահաբեկչական կազմակերպություն անվանելու համար
Քաղաքականություն
03.11.2023 | 18:17
Ամերիկյան Յուտա նահանգից հանրապետական սենատոր Մայք Լին առաջարկել է Թուրքիային ՆԱՏՕ-ից պոտենցիալ հեռացնելու գաղափարը՝ ի պատասխան Թուրքիայի նախագահ Ռեջեփ Թայիփ Էրդողանի վերջին հայտարարությունների, որոնցում նա պնդել է, թե ՀԱՄԱՍ-ն ահաբեկչական կազմակերպություն չէ, գրում է Greek City Times-ը։
«Էրդողանի դիրքորոշումը ներկայացնում է իրականության միտումնավոր ժխտում։ ՀԱՄԱՍ-ն անհերքելիորեն դաժան ահաբեկչական կազմակերպություն է։ Սա հաստատված փաստ է։ Էրդողանի կողմից ՀԱՄԱՍ-ի բռնի բնույթի բացահայտ մերժումը հակասում է ինչպես Միացյալ Նահանգների, այնպես էլ ՆԱՏՕ-ի անվտանգության շահերին: Թուրքիայի՝ դաշինքից հեռացնելու հարցը պետք է լրջորեն ուսումնասիրվի»,- հայտարարել է Լին։
Այս շաբաթվա սկզբին նախագահ Էրդողանը դիմել էր թուրք օրենսդիրներին՝ պնդելով, որ «ՀԱՄԱՍ-ն ահաբեկչական կազմակերպություն չէ, այլ ավելի շուտ ազատագրական խմբավորում, որը բաղկացած է «մոջահեդներից», որոնք պայքարում են իրենց հողերն ու ժողովուրդը պաշտպանելու համար», հաղորդում է Reuters-ը։
«Մուջահեդը» արաբերեն եզրույթ է, որը սովորաբար օգտագործվում է՝ նկատի ունենալով իսլամական մարտիկներին, որոնք կռվում են իրենց հավատքի համար:
