15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ուկրաինային միջազգային աջակցությունը չի թուլանում․ Կուլեբա
Քաղաքականություն
03.11.2023 | 14:19
Ուկրաինան չի զգում միջազգային օգնության թուլացում ռուսական ագրեսիայի դեմ պայքարում, հայտարարել է Ուկրաինայի արտգործնախարար Դմիտրի Կուլեբան։ Գերմանական ZDF-ի եթերում Մեյբրիտ Իլների հետ զրույցում նա ասել է, թե չի տեսնում, որ «գործընկերների աջակցությունը որևէ կերպ նվազում է»՝ չնայած Մերձավոր Արևելքում պատերազմին, գրում է DW-ի ռուսական ծառայությունը։
Հակառակը, Կիևը, ըստ Կուլեբայի, «բոլոր մակարդակներով երաշխիքներ է ստացել, որ Ուկրաինային աջակցությունը կշարունակվի»։ Դրա համար հնարավորություններ ունեն նաև գործընկերները, նշել է նա։
«Ուկրաինան հույս ունի, որ իրավիճակը Մերձավոր Արևելքում ավելի չի սրվի, թեև ընդունում է, որ հանգամանքները կարող են փոխվել։ Որքան երկար տևի այս պատերազմը, այնքան ավելի շատ ռեսուրսներ կպահանջվեն»,- ասել է Կուլեբան՝ խոսելով Մերձավոր Արևելքի մասին:
Սակայն, նրա կարծիքով, «հիմնական մայրաքաղաքներում շատ հստակ պատկերացում կա, թե ինչն է վտանգված՝ թե՛ Ուկրաինայում, թե՛ Մերձավոր Արեւելքում»։ Խոսքը միայն աշխարհի այս տարածաշրջանների անվտանգության մասին չէ, ընդգծել է Ուկրաինայի ԱԳՆ ղեկավարը։
