15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
ԱՄՆ-ը նոր պատժամիջոցներ է սահմանել Ռուսաստանի դեմ
Քաղաքականություն
03.11.2023 | 12:56
Միացյալ Նահանգները նոր լայնածավալ պատժամիջոցներ է սահմանել Մոսկվայի դեմ ուկրաինական պատերազմի պատճառով, գրում է VOA-ն: Դրանք ուղղված են Ռուսաստանի էներգետիկ ներուժի, ինչպես նաև՝ կամիկաձե անօդաչու թռչող սարքերի արտադրության դեմ։
Նոր միջոցառումների թիրախում խոշոր ընկերություն է, որը ներգրավված է Սիբիրում Arctic LNG 2 նախագծի մշակման, շահագործման մեջ, հայտնել է Պետքարտուղարությունը: Վաշինգտոնը թիրախավորել է նաև«Կուբ-ԲԼԱ» և «Լանսետ կամիկաձե» անօդաչու սարքերի արտադրությունը, որոնք օգտագործվում են Ուկրաինայում ռուս զինվորականների կողմից: Պատժամիջոցների տակ է հայտնվել անօդաչու թռչող սարքերի ստեղծողն ու դիզայները:
ԱՄՆ-ի առևտրի նախարարությունը հինգշաբթի օրը Ռուսաստանի և Ուզբեկստանի 13 կազմակերպությունների է ներառել արտահանման վերահսկման իր ցուցակում՝ ազգային անվտանգությանն ու արտաքին քաղաքականության շահերին հակասող գործողությունների համար:
ԱՄՆ-ը միջոցներ է ձեռնարկել նաև ԱՄԷ-ի, Թուրքիայի և Չինաստանի միջոցով պատժամիջոցներից խուսափելու դեմ։ Ֆինանսների նախարարությունը հայտնել է, որ այդ երկրներում տեղակայված ընկերությունները շարունակում են Ռուսաստան ուղարկել երկակի նշանակության ապրանքներ, այդ թվում՝ բաղադրիչներ, որոնք Մոսկվան օգտագործում է ռազմական արտադրության մեջ։
