12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Բաքվում ՆԱՏՕ-ի փորձագետները դասընթացներ են անցկացրել
Քաղաքականություն
02.11.2023 | 19:30
ՆԱՏՕ-ի Պաշտպանական կրթության ընդլայնման ծրագրի (DEEP) շրջանակում Ադրբեջանի ՊՆ Ռազմական կառավարման ինստիտուտը Միջազգային բյուրոյի մասնագետների մասնակցությամբ «STANAG – 6001. Գրելու և լսելու թեստեր» դասընթացն է անցկացրել։ Ադրբեջանի ՊՆ-ի հաղորդմամբ՝ դասընթացի նախօրեին հյուրերի հետ հանդիպել է Ռազմական կառավարման ինստիտուտի ռեկտոր, ազգային և ռազմական գիտությունների դոկտոր, պրոֆեսոր գնդապետ Բաբիր Գուլիևը։
Նա նշել է, որ անցկացված հանդիպումները և կազմակերպված դասընթացները կարևոր դեր են խաղացել ռազմական կրթության ոլորտի բարելավման գործում։
Պատվիրակությունը տեղեկատվություն է տրամադրել զորավարժությունների ընթացքում ռազմական կրթության ոլորտում ժամանակակից մեթոդների և գործիքների ուսուցման ուղղությամբ իրականացվող աշխատանքների մասին։
Դասընթացի հիմնական նպատակն է բարելավել օտար լեզուների կենտրոնի STANAG-6001 թեստերի պատրաստման և գնահատման մեջ ներգրավված ուսուցիչների և դասախոս-հրահանգիչների գիտելիքներն ու հմտությունները:
Էմմա Չոբանյան
