24.11.2024 | 10:17
Հրդեհ ավտոտնակում․ այրվել է երկու ավտոմեքենա
Մոլդովան հայտարարել է ԱՊՀ-ին անդամավճարներ վճարելուց հրաժարվելու ծրագրերի մասին
Քաղաքականություն
02.11.2023 | 20:59
Մոլդովան կդադարեցնի անդամավճարներ վճարել ԱՊՀ-ին և Համագործակցության հարթակում գտնվող այլ կազմակերպություններին։ Այս մասին ասվում է երկրի 2024 թվականի բյուջեի մասին օրենքի նախագծում։ Մոլդովայի կառավարությունն ապրիլին հայտարարել էր ԱՊՀ շրջանակում կնքված պայմանագրերի մեծ մասը պաշտոնապես դադարեցնելու մտադրության մասին, գրում է Կոմերսանտը։
«Կառավարությունը կհանի ԱՊՀ-ն այն կազմակերպությունների ցանկից, որոնց տարեկան անդամավճարներ են վճարվում։ Որոշումը կկայացվի այն պատճառով, որ Մոլդովան չեղարկել է ԱՊՀ հարթակում ստեղծված մի շարք կազմակերպություններին մասնակցությունը, ինչպես նաև Ռուսաստանի դեմ միջազգային հանրության կողմից կիրառված բանկային պատժամիջոցների հետ կապված»,- ասվում է Մոլդովայի Ֆինանսների նախարարություն մամուլի ծառայության հաղորդագրության մեջ։
2022 թվականին՝ Ուկրաինայում ռազմական գործողության մեկնարկից անմիջապես հետո, Մոլդովայի իշխանությունները հայտարարեցին ԱՊՀ-ից դուրս գալու մտադրության մասին։
