14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ ԱԳՆ-ն՝ Վրաստանում Փաշինյան-Ասադով հանդիպման մասին
Քաղաքականություն
02.11.2023 | 15:20
ՌԴ-ն ողջունում է ցանկացած շփում, որը կնպաստի Հայաստանի և Ադրբեջանի միջև հարաբերություններում լարվածության թուլացմանը։ ՌԴ ԱԳՆ պաշտոնական ներկայացուցիչ Մարիա Զախարովան այսպես է մեկնաբանել Վրաստանում Փաշինյան-Ղարիբաշվիլի-Ասադով հանդիպումը։
«Մենք միայն ողջունում ենք ցանկացած շփում, որը կօգնի թուլացնել լարվածությունը Բաքվի և Երևանի միջև»,- ասել է Զախարովան։
Խոսքը, ըստ նրա, վերաբերում է այն ամենին, ինչը շահեկան է կողմերի և, ընդհանուր առմամբ, տարածաշրջանի համար։
Հիշեցնենք, որ հոկտեմբերի 26-ին Հայաստանի և Ադրբեջանի վարչապետներ Նիկոլ Փաշինյանը և Ալի Ասադովը Վրաստանի կառավարության ղեկավար Իրակլի Ղարիբաշվիլիի միջնորդությամբ հանդիպում են ունեցել Թբիլիսիում անցկացվող միջազգային համաժողովի շրջանակում։
