15.01.2026 | 20:00
ԱՄՆ-ն ունի մեծ լծակ Ադրբեջանի վրա ազդելու, որ ՀՀ վերադարձվեն բոլոր պատժաչափ ունեցող գերիները․ Դիանա Կարապետյան. ՏԵՍԱՆՅՈՒԹ
Իսրայելը հայտարարել է Գազայի կենտրոնն իր վերահսկողության տակ վերցնելու մասին
Քաղաքականություն
02.11.2023 | 17:30
Իսրայելի պաշտպանության բանակը (IDF) շարունակում է ճեղքել ՀԱՄԱՍ-ի պաշտպանական գիծը Գազայի հատվածում և վերահսկողություն հաստատել անկլավի կենտրոնում գտնվող դիրքերի վրա։ Այս մասին ասել է հրեական պետության զինված ուժերի ներկայացուցիչ, բրիգադային գեներալ Դանիել Հագարին, փոխանցում է ՌԻԱ Նովոստին։
«Մարտիկները շարունակում են ոչնչացնել ՀԱՄԱՍ-ի պաշտպանական գծերը Գազայի հատվածի հյուսիսում և վերահսկողության տակ առնել կենտրոնական շրջանները: Մենք շարունակում ենք ակտիվացնել մեր գործունեությունը և առաջ շարժվել՝ համաձայն այն պլանի և նպատակների, որոնք մեր առջեւ դրել ենք: Մենք գործում ենք համաձայն պլանի՝ յուրաքանչյուր մարտում մենք առավելություն ունենք»,- ասել է իսրայելցի գեներալը։
Նրա խոսքով՝ լայնածավալ նյութատեխնիկական աշխատանքներն այժմ շարունակվում են՝ մարտադաշտում գտնվող զինվորներին մշտապես զինամթերք ու պաշտպանական միջոցներ են մատակարարվում։
