24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Շուրջ 7,000 օտարերկրյա քաղաքացիներ ցանկանում են լքել Գազայի հատվածը
Քաղաքականություն
02.11.2023 | 18:56
Օտարերկրյա քաղաքացիություն ունեցող շուրջ 7,000 մարդ սպասում է Գազայի հատվածից հեռանալուն՝ Իսրայելի և պաղեստինյան ՀԱՄԱՍ խմբավորման միջև շարունակվող ռազմական առճակատման ֆոնին։ Այս մասին հայտնել է Եգիպտոսի ԱԳՆ-ն, գրում է DW-ի ռուսական ծառայությունը։
Նշվում է, որ այդ մարդկանց թվում կան աշխարհի 60 երկրների քաղաքացիներ, այդ թվում՝ երկքաղաքացիություն ունեցող պաղեստինցիներ։ Բոլոր այն երկրների դիվանագիտական ներկայացուցիչները, որոնց քաղաքացիները սպասում են Գազայի հատվածից մեկնելուն, Եգիպտոսի իշխանությունները հրավիրել են Կահիրե՝ նյութատեխնիկական ապահովման և անհրաժեշտ փաստաթղթերի վերաբերյալ խորհրդակցությունների համար:
Սրա հետ մեկտեղ, Եգիպտոսի ԱԳՆ-ն դեռևս չի հայտնել՝ արդեն կա՞ պայմանավորվածություն, որ օտարերկրյա քաղաքացիները կկարողանան լքել Գազայի հատվածը Ռաֆահ սահմանային անցակետով, որը գտնվում է Եգիպտոսի հետ այս տարածքի սահմանին։
Չի նշվում նաև ժամկետը, որի ընթացքում կարող է հնարավոր լինել մեկնումը։
