02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Թաիլանդը ուղիղ բանակցություններ է սկսել ՀԱՄԱՍ-ի հետ թաիլանդցի պատանդների հարցով
Քաղաքականություն
02.11.2023 | 16:52
Թաիլանդի պաշտոնյաները հայտնել են, որ ուղիղ բանակցություններ են սկսել ՀԱՄԱՍ-ի հետ՝ ապահովելու պատանդ պահվող իրենց քաղաքացիների ազատ արձակումը, գրում է BBC-ի ռուսական ծառայությունը։
Թաիլանդի բանակցային առաքելության ղեկավար, նախկին պատգամավոր Արեպեն Ուտարասինն ասել է, որ հոկտեմբերի 26-ին Թեհրանում հանդիպել է ՀԱՄԱՍ-ի ներկայացուցիչների հետ, որտեղ ստացել է երաշխիքներ, որ թաիլանդցի պատանդները «հարմսր ժամանակին» կազատվեն։
«Ես խնդրեցի ազատ արձակել նրանց, քանի որ նրանք անմեղ են»,- ասել է նա լրագրողներին Բանգկոկում:
Առնվազն 19 թաիլանդցի ֆերմերներ առևանգվել են ՀԱՄԱՍ-ի զինյալների կողմից Իսրայելի հարավում հոկտեմբերի 7-ին տեղի ունեցած հարձակման ժամանակ, որոնցից շատերը դեռևս անհետ կորած են համարվում:
Ավելի քան 25,000 թաիլանդցիներ աշխատում են իսրայելական ֆերմաներում և այգիներում՝ կազմելով արտասահմանյան գյուղատնտեսական աշխատուժի մեծ մասը:
Ընդհանուր առմամբ, ՀԱՄԱՍ-ի զինյալները Գազայի հատվածում Իսրայելի վրա հարձակման ժամանակ առևանգել և պատանդ են վերցրել ավելի քան 220 պատանդի։
