23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Էրդողանը մեկնում է Ղազախստան, սպասվում է նաև Ալիևի այցը
Քաղաքականություն
02.11.2023 | 13:42
Թուրքիայի նախագահ Ռեջեփ Թայիփ Էրդողանն այսօր մեկնում է Ղազախստան՝ մասնակցելու Թյուրքական պետությունների կազմակերպության 10-րդ գագաթնաժողովին, որը տեղի է ունենալու նոյեմբերի 2-3-ը։
Թուրքական կողմի հաղորդմամբ՝ Էրդողանը մասնակցելու է Աստանայում կայանալիք «Թուրքական դարաշրջան» թեմայով գագաթնաժողովին։ Կազմակերպության նախագահության ժամկետը Ուզբեկստանից փոխանցվելու է Ղազախստանին, անդամ երկրների առաջնորդները քննարկելու են կազմակերպության շրջանակներում համագործակցության հետագա ընդլայնմանն ուղղված ջանքերը:
Նշվում է, որ Էրդողանը ելույթ է ունենալու նոյեմբերի 3-ին կայանալիք նիստում, ակնկալվում են նաև երկկողմ հանդիպումներ տարբեր երկրների ղեկավարների հետ։
Թեպետ պաշտոնապես դեռ չի հայտարարվել, սակայն սպասվում է, որ Ադրբեջանի նախագահ Իլհամ Ալիևը ևս մեկնելու է Ղազախստան գագաթնաժողովին մասնակցելու։
