15.12.2025 | 22:39
Էրդողանը հայտարարել է, թե 44-օրյա պատերազմի ժամանակ «երկրի թշնամիները Թուրքիային մեղադրում էին Ադրբեջանին աջակցելու մեջ»
Իսրայելական բանակը Ռամալլայում գործողություն է իրականացնում
Քաղաքականություն
02.11.2023 | 13:59
Իսրայելացի զինվորականները ռեյդ են իրականացնում Հորդանան գետի արևմտյան ափի Ռամալլա քաղաքում, որը Պաղեստինի վարչական կենտրոնն է։ Այս մասին հայտնել է Al Hadath հեռուստաալիքը։
Աղբյուրի տվյալներով՝ իսրայելական բանակի անձնակազմը Ռամալլայի կենտրոնում որոշ պաղեստինցիների ձերբակալման գործողություն է իրականացնում։ Տարածքում լսվել են կրակոցների ձայներ։
Նշվում է, որ իսրայելական կողմի ռեյդերը սովորաբար տեղի են ունենում գիշերը, սակայն այս անգամ գործողությունը տեղի է ունեցել ցերեկը, ինչը մեծացնում է բախումների հավանականությունը։
Ըստ Al Hadath-ի՝ գիշերը իսրայելցի զինվորները մի շարք հարձակումներ են իրականացրել պաղեստինյան քաղաքներում, այդ թվում՝ Ռամալլայում։ Զինված բախումներ են գրանցվել իսրայելցի զինվորականների և պաղեստինցիների միջև, սակայն զոհերի մասին տեղեկություններ չկան։
