15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Փարիզը կաջակցի Տաշքենդին ԵՄ-ի հետ ընդլայնված գործընկերության համաձայնագրի ստորագրման հարցում
Քաղաքականություն
02.11.2023 | 15:37
Ֆրանսիայի նախագահ Էմանուել Մակրոնը Սամարղանդում Ուզբեկստանի նախագահ Շավքաթ Միրզիյոևի հետ հանդիպման ժամանակ պատրաստակամություն է հայտնել աջակցել Տաշքենդի ջանքերին՝ ԵՄ-ի հետ ընդլայնված գործընկերության համաձայնագրի ստորագրման և Առևտրի համաշխարհային կազմակերպությանը (ԱՀԿ) միանալու ուղղությամբ։ Այս մասին ասված է Ուզբեկստանի նախագահի մամուլի ծառայության հաղորդագրության մեջ՝ երկրի ղեկավարի և Ֆրանսիայի նախագահի հետ նեղ կազմով հանդիպման արդյունքներով, գրում է ՏԱՍՍ-ը։
«Ֆրանսիան պատրաստակամություն է հայտնել հետագայում ևս աջակցել Ուզբեկստանի՝ Կենտրոնական Ասիայում վստահության ամրապնդմանն ուղղված ջանքերին, ինչպես նաև երկրի՝ ԱՀԿ-ին անդամակցելուն և Եվրամիության հետ ընդլայնված գործընկերության և համագործակցության մասին համաձայնագրի վաղ ստորագրմանը»,- ասվում է հաղորդագրությունում։
Մակրոնն ու Միրզիյոևը նաև ընդգծել են «քաղաքական երկխոսության շարունակման, անվտանգության ոլորտում համագործակցության ամրապնդման և առաջացող մարտահրավերներին ու սպառնալիքներին արդյունավետ հակազդելու կարևորությունը»։
Նշենք, որ Ֆրանսիայի նախագահ Էմանուել Մակրոնն առաջին անգամ է այցելել Ուզբեկստան։ Մինչ այդ, նա այցելել էր Ղազախստան, որտեղ բանակցություններ է վարել երկրի նախագահ Կասիմ-Ժոմարտ Տոկաևի հետ։
