26.06.2026 | 12:27
ԲՀԿ ներկայացուցիչը միջնորդեց ընտրությունների արդյունքների վիճարկման գործը քննել ՍԴ ամբողջ կազմով․ ՏԵՍԱՆՅՈՒԹ
Ռուսական բանակը շարունակում է գրոհը Ավդեևկայում․ Ուկրաինայի գլխավոր շտաբ
Քաղաքականություն
02.11.2023 | 11:42
Ուկրաինայի գլխավոր շտաբը առավոտյան իր զեկույցում հայտնել է, որ ռուսական բանակը շարունակում է գրոհները Ավդեևկայում և դրա շուրջ, փոխանցում է BBC-ի ռուսական ծառայությունը։
«Հակառակորդը, օդուժի աջակցությամբ, չի հրաժարվում Ավդեևկան շրջապատելու փորձերից, բայց մեր զինվորները անշեղորեն պահում են պաշտպանությունը՝ զգալի կորուստներ պատճառելով զավթիչներին», – ասվում է զեկույցում:
Ուկրաինայի Գլխավոր շտաբը վստահեցնում է, որ Ավդեևկայի հարավային թևում՝ Պերվոմայսկոե և Սեվերնոե գյուղերի տարածքում, վերջին 24 ժամվա ընթացքում հետ են մղվել ռուսական բոլոր հարձակումները։
Ռուսական բանակը հոկտեմբերի 10-ին է հարձակում սկսել Ավդեևկայի ուղղությամբ Ուկրաինացի զինվորական բլոգերները օրեր շարունակ գրում են, որ իրավիճակը շատ ծանր է՝ հակառակորդը շարունակաբար հարձակվում է մեծ ուժերով և ոչ էական, բայց առաջխաղացում ունի։
Պաշտոնական զեկույցում չի նշվում առաջնագծում որևէ էական փոփոխություն մասին ո՛չ Ավդեևկայի, ո՛չ էլ այլ շրջաններում։
