26.06.2026 | 12:27
ԲՀԿ ներկայացուցիչը միջնորդեց ընտրությունների արդյունքների վիճարկման գործը քննել ՍԴ ամբողջ կազմով․ ՏԵՍԱՆՅՈՒԹ
Բայդենը Իսրայելի և ՀԱՄԱՍ-ի միջև հումանիտար դադարի կոչ է արել
Քաղաքականություն
02.11.2023 | 11:12
ԱՄՆ նախագահ Ջո Բայդենը հայտարարել է Իսրայելի և պաղեստինյան արմատական ՀԱՄԱՍ շարժման միջև հումանիտար դադար հայտարարելու և ռազմական գործողությունների ժամանակավոր դադարեցման անհրաժեշտության մասին, հայտնում է Bloomberg-ը։ ԱՄՆ նախագահի խոսքով՝ նման միջոցներն անհրաժեշտ են Գազայի հատվածից պատանդներին հանելու համար։
«Պատանդներին դուրս բերելու, նրանց ողջ պահելու համար մարդասիրական դադար է անհրաժեշտ», – ասել է Բայդենը Մինեապոլիսում կազմակերպված դրամահավաքի ժամանակ:
Միաժամանակ, նա ոչ արդիական և անիրագործելի է անվանել Իսրայելի և ՀԱՄԱՍ-ի միջև ամբողջական հրադադարի կոչերը։ Ջո Բայդենի խոսքով՝ Իսրայելն այժմ «բացարձակապես օրինական գործողություններ» է ձեռնարկում իրեն պաշտպանելու համար, բայց միևնույն ժամանակ անհրաժեշտ է մտածել Գազայի հատվածում խաղաղ բնակիչների կյանքը պահպանելու մասին։
Բայդենը հայտարարել է, որ մոտ 1000 օտարերկրացի առաջիկայում կարող է լքել Գազայի հատվածը և Ռաֆահ անցակետով մեկնել Եգիպտոս:
