19.12.2025 | 03:00
Կոնֆերենցիաների լիգա. «Նոայի» հավանական մրցակիցները
Հայտնի է «Վագների» նոր ղեկավարի անունը
Քաղաքականություն
01.11.2023 | 18:33
Եվգենի Պրիգոժինի որդին՝ Պավել Պրիգոժինը դարձել է «Վագներ» մասնավոր ռազմական խմբավորման նոր ղեկավարը՝ Ռոսգվարդիայի կազմում։ Այս մասին հայտնում է «59.ru» պորտալը՝ Պերմի երկրամասում կազմակերպության ներկայացուցչին հղումով։
Աղբյուրը մանրամասնում է, որ «Վագները» կրկին սկսել է կամավորների հավաքագրել, սակայն այժմ բանտից մարդկանց չի ընդունում։
Վերջերս տելեգրամյան ալիքներում տեղեկություն էր հայտնվել, որ «Վագները» պայմանագրեր կկնքի բոլոր ցանկացողների հետ։ Խմբավորումը պատրաստ է ընդունել 20-ից 55 տարեկան տղամարդկանց։
Հիշեցնենք, որ օգոստոսի 23-ին Տվերի մարզում վթարի էր ենթարկվել Եվգենի Պրիգոժինին պատկանող մասնավոր օդանավը։ Վթարի հետևանքով զոհվել է 10 մարդ՝ 7 ուղևոր և անձնակազմի 3 անդամ։
Էմմա Չոբանյան
