12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Վուչիչը ցրել է Սերբիայի խորհրդարանն ու արտահերթ ընտրություններ նշանակել
Քաղաքականություն
01.11.2023 | 16:06
Սերբիայի նախագահ Ալեքսանդր Վուչիչը ցրել է երկրի խորհրդարանը և հայտարարել դեկտեմբերի 17-ին կայանալիք արտահերթ խորհրդարանական ընտրությունների մասին։ Այս մասին հաղորդում է սերբական RTRS հեռուստառադիոընկերությունը։
Ըստ աղբյուրի՝ նոյեմբերի 1-ին կառավարությունը Վուչիչին պատճառաբանված առաջարկ է ուղարկել Ազգային ժողովը ցրելու և ընտրություններ նշանակելու մասին՝ նշելով, որ դա կապահովի ժողովրդավարության ամենաբարձր աստիճանը, կնվազեցնի լարվածությունը հասարակության մեջ և կնպաստի կարծիքների ու քաղաքական, տնտեսական և այլ հարցերի շուրջ տեսակետների ազատ արտահայտմանը։
«Խորհրդարանը ցրելու առաջարկի մեջ, ի թիվս այլ խնդիրների, նշվում էր, որ վերջերս հանրության մի մասի կողմից պատգամավորների նոր, արտահերթ ընտրություններ նշանակելու խնդրանքներ են հնչում, և որ սեպտեմբերի 11-ին ընդդիմադիր քաղաքական կուսակցությունների որոշ պատգամավորներ նման խնդրանքով դիմել են հանրապետության նախագահին»,- ասված է հաղորդագրությունում։
