26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Սա երկար պատերազմ է լինելու․ Նեթանյահուն դիմել է իսրայելացիներին
Քաղաքականություն
01.11.2023 | 17:14
Իսրայելի իշխանությունները հաստատել են երեքշաբթի Գազայում մարտերի ժամանակ 11 զինվորի մահվան տեղեկությունը։ Իսրայելի վարչապետ Բենիամին Նեթանյահուն, դիմելով երկրի քաղաքացիներին, ասել է, որ նրանք զոհվել են արդար պատերազմում, և որ սա երկար պատերազմ է լինելու, փոխանցում է BBC-ի ռուսական ծառայությունը։
«Մենք դժվար պատերազմ ենք մղում, սա երկար պատերազմ է լինելու։ Այս պատերազմում մենք ունենք կարևոր ձեռքբերումներ, բայց նաև ցավալի կորուստներ»,- ասել է Նեթանյահուն տեսաուղերձում։
Իսրայելի զինվորներից յուրաքանչյուրը մի ամբողջ աշխարհ է, և Իսրայելը կհիշի նրանցից յուրաքանչյուրին, ով ընկել է այս արդար պատերազմում, վստահեցրել է Նեթանյահուն զոհված զինվորների հարազատներին և ընկերներին։
«Իսրայելի ամբողջ ժողովուրդը փարվում է ձեզ, մեր սրտերի խորքից: Մենք բոլորս հիմա ձեզ հետ ենք՝ ձեր մեծ տխրության այս պահին: Մեր զինվորները զոհվել են արդար պատերազմում, մեր տան համար պատերազմում։ Խոստանում եմ ձեզ, Իսրայելի՛ քաղաքացիներ, մենք կշարունակենք՝ մինչև ավարտենք մեր առաքելությունը, կշարունակենք մինչև հաղթանակ»,- ասել է Նեթանյահուն:
