06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Իրանի գերագույն հոգևոր առաջնորդը մահմեդական երկրներին կոչ է արել նավթ և պարենամթերք չմատակարարել Իսրայելին
Քաղաքականություն
01.11.2023 | 17:50
Մահմեդական երկրները պետք է անհապաղ դադարեցնեն Իսրայելի հետ բոլոր տեսակի առևտրատնտեսական համագործակցությունը։ Նման հայտարարությամբ է հանդել եկել Իրանի գերագույն հոգևոր առաջնորդ այաթոլլա Ալի Խամենեին, գրում է Tasnim news-ը։
«Այն, ինչին մահմեդական երկրները պետք է անվերապահորեն և անհապաղ համաձայնեն, դա Պաղեստինում Իսրայելի կատարած հանցագործությունների դադարեցումն է: Նավթի և պարենի արտահանումը պետք է դադարեցվի: Մահմեդական երկրները պետք է դադարեցնեն բոլոր տեսակի առևտրատնտեսական համագործակցությունն Իսրայելի հետ»,- ասել է նա ուսանողների առջև ունեցած ելույթում:
Անցյալ շաբաթ Իսլամական Հանրապետության նախագահ Էբրահիմ Ռաիսին Իսրայելին մեղադրել էր «կարմիր գծերը հատելու» համար։ Ավելի վաղ քաղաքական գործիչը նաև նշել էր, որ Թեհրանը չի հետևի Գազայի հատվածի շուրջ ստեղծված իրավիճակին չմիջամտելու՝ ԱՄՆ-ի զգուշացումներին։ Այնուամենայնիվ, նա հերքել է մեղադրանքները, թե Իրանը կանգնած է Իսրայելի վրա ՀԱՄԱՍ-ի հարձակման հետևում։
Իրանի ԱԳՆ-ն, իր հերթին, հայտարարություն է տարածել, որում մեղադրել է Իսրայելի իշխանություններին «միջազգային իրավունքի բոլոր հնարավոր օրենքները խախտելու համար»։
