02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Եգիպտոսը բացել է «Ռաֆահ» անցակետը Գազայի հատվածից օտարերկրացիների ելքի համար
Քաղաքականություն
01.11.2023 | 14:20
Եգիպտացի սահմանապահները բացել են «Ռաֆահ» անցակետը, որպեսզի թույլ տան անկլավում գտնվող օտարերկրացիներին հեռանալ, գրում է BBC-ի ռուսական ծառայությունը։
Ավելի վաղ շտապօգնության մի քանի մեքենաներ եգիպտական կողմից շարժվել են Գազա՝ հիվանդանոցներից Եգիպտոս տեղափոխելու ծանր վիրավորներին։
Պաղեստինյան կողմից սահմանային անցակետում հավաքվել է մարդկանց բազմություն՝ ցանկանալով լքել անկլավը։ Սակայն առայժմ հայտնի չէ, թե որքան ժամանակով անցումը բաց կլինի, և Եգիպտոսի իշխանությունները քանի հոգու կհամաձայնեն բաց թողնել:
Մինչ այժմ Եգիպտոսի կառավարությունը կտրականապես մերժում էր Գազայի բնակիչների տարհանումը Սինայի թերակղզի։
Այսօր ավելի վաղ հաղորդվել էր, որ Կատարը հանդես է գալիս որպես միջնորդ Իսրայելի, ՀԱՄԱՍ-ի և Եգիպտոսի միջև գործարքում՝ այն համաձայնեցնելով Միացյալ Նահանգների հետ, որը թույլ կտա ազատ արձակել Գազայի հատվածից բոլոր օտարերկրյա քաղաքացիներին և ծանր վիրավորներին։ Այս մասին CNN-ին հայտնել են բանակցություններին ծանոթ աղբյուրները։
Միաժամանակ, հաղորդվել է, որ 81 վիրավոր պաղեստինցիներ ժամանելու են Եգիպտոսի հետ սահմանային «Ռաֆահ» անցակետ։
