18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Ալիևն ընդունել է Պակիստանի ցամաքային զորքերի հրամանատարին
Քաղաքականություն
01.11.2023 | 15:03
Ադրբեջանի նախագահ Իլհամ Ալիևը Բաքվում ընդունել է Պակիստանի զինված ուժերի ցամաքային զորքերի հրամանատար Ասիմ Մունիրին։ Ադրբեջանական կողմի հաղորդմամբ՝ Ալիևը նշել է, թե երկրների միջև բարեկամական ու եղբայրական հարաբերությունները հաջողությամբ զարգանում են տարբեր ուղղություններով, այդ թվում՝ ռազմական ոլորտում։
Նա նաև բարձր է գնահատել «Պակիստանի կառավարության և ժողովրդի կողմից Ադրբեջանի մշտական աջակցությունը, նաև այն, որ Պակիստանը Հայաստանի հետ դիվանագիտական հարաբերություններ չի հաստատել»։ Ալիևը նաև երախտագիտություն է հայտնել 2020 թվականի աշնանը՝ Արցախի դեմ ագրեսիայի ժամանակ Պակիստանի կողմից Ադրբեջանին ցուցաբերվող քաղաքական աջակցության համար։
Ադրբեջանի նախագահն ասել է, որ երկու երկրների միջև կա հաջող համագործակցություն ռազմական արդյունաբերության ոլորտում, և անդրադարձել համատեղ զորավարժությունների անցկացման կարևորությանը։
Անդրադառնալով երկու երկրների ինքնիշխանության և տարածքային ամբողջականության հարցին՝ Ալիևը ևս մեկ անգամ նշել է, որ Ադրբեջանը Ջամուի և Քաշմիրի հարցում միշտ աջակցում է Պակիստանին։
Էմմա Չոբանյան
