30.04.2026 | 11:00
Կառավարության նիստը՝ ՈՒՂԻՂ
Իսրայելում սուպերմարկետները բոյկոտում են թուրքական ապրանքները
Քաղաքականություն
01.11.2023 | 15:45
Իսրայելի սուպերմարկետների ցանցերը դադարեցնում են ներմուծումը Թուրքիայից այն բանից հետո, երբ նախագահ Ռեջեփ Թայիփ Էրդողանն աջակցություն է հայտնել ՀԱՄԱՍ-ին, ներառյալ նրա պնդումը, թե խմբավորումն ահաբեկչական կազմակերպություն չէ։ Այս մասին գրել է Haaretz-ը, որին վկայակոչում է Gercek News-ը։
Ընկերությունների թվում են Իսրայելի խոշորագույն սուպերմարկետների ցանցը՝ Shufersal-ը, ինչպես նաև դրա մրցակիցներ Rami Levy-ն և Yochananof-ը։ Նրանց օրինակին հետևում են նաև ավելի փոքր ներկրողներ։
«Մենք պատվիրակություն ենք ստեղծել՝ այլ վայրերից մեր ներմուծումների մի մասը վերաուղղելու դեպի իրենց՝ ելնելով այն գիտակցումից, որ նրանք մեզ ավելի մոտ են, քան Եվրոպան և ունեն բազմազան արդյունաբերություն»,- ասել է Իսրայելի պալատների ֆեդերացիայի նախագահ Ուրիել Լինը։
Հավելենք, որ Թուրքիան վերջերս դարձել էր դեպի Իսրայել հիմնական արտահանողներից՝ անցյալ տարի զբաղեցնելով հինգերորդ տեղը Չինաստանից, ԱՄՆ-ից, Շվեյցարիայից և Գերմանիայից հետո: Թուրքիայից Իսրայելի ներմուծման ծավալները 2022 թվականին կազմել են 7 մլրդ դոլար։
Միաժամանակ, Թուրքիայում հանրության շրջանում հակահրեական տրամադրությունների աճի ֆոնին իսրայելական ապրանքների ու ծառայությունների բոյկոտի կոչեր են հնչում։
Էմմա Չոբանյան
