Քաղաքականություն
01.11.2023 | 15:24
ԱՄՆ-ը և Իսրայելը դիտարկում են պաղեստինյան ՀԱՄԱՍ շարժման ոչնչացումից հետո Գազայի հատված բազմազգ ուժեր ուղարկելու հնարավորությունը։ Այս մասին հայտնում է Bloomberg-ը՝ հղում անելով աղբյուրներին։
«ԱՄՆ-ը և Իսրայելը դիտարկում են Գազայի հատվածի ապագայի տարբերակները, ներառյալ՝ բազմազգ ուժեր տեղակայելու հնարավորությունը, որը կարող է ներառել ամերիկյան զորքերը, եթե իսրայելական ուժերին հաջողվի դուրս մղել ՀԱՄԱՍ-ին»,- գրում է գործակալությունը:
Ըստ աղբյուրի՝ կողմերը դիտարկում են նաև անկլավում ժամանակավոր վերահսկողությունը տարածաշրջանի երկրներին տրամադրելու հնարավորությունը՝ ԱՄՆ-ի, Մեծ Բրիտանիայի, Ֆրանսիայի և Գերմանիայի զորքերի աջակցությամբ։
