18.12.2025 | 22:09
Ստորագրվել է Հայաստան-Հունաստան երկկողմ պաշտպանական համագործակցության 2026 թվականի ծրագիրը
Իսրայելը հայտնել է փախստականների ճամբարին հարվածի հետևանքով ՀԱՄԱՍ-ի հրամանատարի, բազմաթիվ ահաբեկիչների և նրանց ստորգետնյա ենթակառուցվածքի ոչնչացման մասին
Քաղաքականություն
01.11.2023 | 14:44
Իսրայելի պաշտպանության բանակի խոսնակ Դանիել Հագարին հայտնել է, որ փախստականների Ջաբալիա ճամբարին ավիահարվածի հետևանքով զոհվել են «բազմաթիվ ահաբեկիչներ» և Կենտրոնական Ջաբալիա բրիգադի հրամանատար Իբրահիմ Բիարին: Իսրայելի պաշտպանության բանակի տվյալներով՝ նա եղել է հոկտեմբերի 7-ին Իսրայելի վրա ՀԱՄԱՍ-ի հարձակման գլխավոր առաջնորդներից մեկը և «մարտերի հիմնական հրամանատարը» այն պահից, ինչ Իսրայելը մտել է Գազայի հատված:
Իսրայելի պաշտպանության բանակի տվյալներով՝ «Բիարի» գումարտակը վերահսկել է մի քանի քաղաքացիական շենքեր հարվածի տարածքում, հենց այնտեղ է եղել տեղակայված նաև զինյալների հենակետը, որն օգտագործվել է ուսուցման և ահաբեկչական գործողություններ իրականացնելու համար։
«Ստորգետնյա ահաբեկչական ենթակառուցվածքը, որը կառուցված է եղել շենքերի տակ և օգտագործվել է ահաբեկիչների կողմից, նույնպես փլուզվել է հարվածից հետո»,- Իսրայելի պաշտպանության բանակի ներկայացուցչի խոսքերն է մեջբերում The Times of Israel-ը։
Հիշեցնենք՝ ավելի վաղ հաղորդվել էր, որ Իսրայելն ավիահարված էր հասցրել Ջաբալիայում փախստականների ճամբարին, որի հետևանքով տասնյակ մարդիկ են զոհվել։
