30.04.2026 | 15:51
Մայիսի 9-ի հրադադարի որոշումը կկայացնի Պուտինը. Կրեմլ
Հայ դիմորդների թիվը վրացական բուհեր կրկնապատկվել է
Հասարակություն
07.07.2017 | 11:30
Ախալքալաքի շրջանից վրացական բարձրագույն ուսումնական հաստատություններում կրթությունը շարունակելու ցանկություն ունեցող դիմորդների թիվը կրկնապատկվել է:
jnews.ge-ի հաղորդմամբ, 2016-2017 ուսումնական տարում Ախալքալաքի շրջանում (67 դպրոց) դպրոցին հրաժեշտ է տվել 827 շրջանավարտ, որոնցից 447 գրանցվել է որպես դիմորդ վրացական բուհեր ընդունվելու նպատակով: Դիմորդները հնարավորություն ունեն միանգամից մի քանի բուհ նշելու իրենց հայցադիմումի մեջ, որը լրացուցիչ հնարավորություններ կընձեռնի: Այսինքն, եթե դիմորդը չի հաղթահարել եւ համապատասխան միավորներ չի հավաքել x բուհ ընդունվելոու համար, ապա ավտոմատ y բուհ ընդունեվելու հնարավորություն կունենա, քանի որ հենց սկզբից նշել է տարբեր բուհեր եւ հավաքած միավորները թույլ են տալիս կրթությունը շարունակելու y բուհում:
Տարեցտարի ավելանում է վրացական բուհեր դիմոդների քանակը: Անցած տարի Ախալքալաքի շրջանից Վրաստանում բարձրագույն կրթություն ստանալու համար գրանցվել էին 202 դիմորդ, իսկ այս տարի՝ 447 դիմորդ:
Դիմորդները քննություն են հանձնում, որպեսզի վրացական բուհ ընդունվեն 1+4 արտոնյալ ծրագրի շրջանակներում: 1+4 ծրագիրը մեկնարկել է 2010-2011 ուսումնական տարում: «Հանրակրթության մասին» օրենքում, մասնավորապես սույն օրենքի 473-րդ հոդվածում գրված են լեզուները, որով կարող են ընդհանուր հմտությունների քննություն հանձնել` ադրբեջաներեն, հայերեն, աբխազերեն եւ օսերեն:
Այս ծրագրով դիմորդները հանձնելով միայն մեկ` ընդհանուր հմտություններից քննություն ազգային փոքրամասնությունների, այսինքն՝ իրենց մայրենի լեզվով, ընդունվում են բարձրագույն ուսումնական հաստատություն վրացերենի ինտենսիվ նախապատրաստական կուրս: Մեկ տարվա լեզվի վերապատրաստման կուրսն անցնելուց հետո եւ 60 կրեդիտ հավաքելով, ուսանողներն իրենց կրթությունը կշարունակեն արդեն բակալավրիատում:
Ծրագրի արդյունավետությունը ցույց է տալիս ուսանողների ամեն տարի աճող թիվը, ովքեր դիմում են ծրագրով:
