07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Նոր մանրամասներ Սաշիկ Սարգսյանի որդու՝ մարդ առևանգելու գործից. «Ժողովուրդ»
25.07.2018 | 10:19
«Ժողովուրդ» թերթը գրում է.
«Սերժ Սարգսյանի եբորորդու՝ Նարեկ Սարգսյանի դեմ մարդ առեւանգելու եւ բռնության ենթարկելու քրեական գործով նոր մանրամասներ են ի հայտ գալիս: «Ժողովուրդ» օրաթերթին հայտնի դարձավ, որ 49-ամյա Արամը, ում առեւանգել ու բռնության են ենթարկել Նարեկ Սարգսյանի թիկնապահ Արտեմ Պետրոսյանի հետ համատեղ բիզնես է ունեցել:
Որոշ ժամանակ անց Արամը դիմել է Արտեմ Պետրոսյանին եւ հայտնել, որ չի ցանկանում իր հետ համատեղ աշխատել, քանի որ կա այլ մարդ, որի հետ նա ցանկանում է ստեղծել նոր բիզնես:
Այդ մասին տեղեկացել է Նարեկ Սարգսյանը եւ Արամին հրավիրել հանդիպման: Ըստ լուրերի՝ թեեւ Արտեմ Պետրոսյանը Արամին զգուշացրել է, որ Նարեկի հետ հանդիպման չգնա՝ ասելով, որ իրեն լավ բան չի սպասվում, սակայն Արամը գնացել է:
Դրանից հետո էլ տեղի է ունեցել միջադեպը. Արամին առեւանգել են, սկզբում խոշտանգել Նարեկ Սարգսյանի տան նկուղում, հետո՝ «Սկանյա» բեռնատարների սպասարկման վարչական շենքում:
Հիշեցնենք՝ Արտեմ Պետրոսյանը հիմա կալանավորված է, իսկ Նարեկ Սարգսյանին հայտարարվել է հետախուզում»:
Առավել մանրամասն՝ թերթի այսօրվա համարում
