16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Գագիկ Հարությունյանը «դռնեդուռ» է ընկել. «Փաստ»
25.07.2018 | 09:18
«Փաստ» թերթը գրում է.
«Փաստի» ունեցած հավաստի տեղեկություններով, այն բանից հետո, երբ դատավորները 1/5–ի պահանջով նախաձեռնել են հուլիսի 27–ին հրավիրել Դատավորների ընդհանուր ժողովի արտահերթ նիստ, ակտիվորեն գործի է անցել Բարձրագույն դատական խորհրդի նախագահ Գագիկ Հարությունյանը, ով առժամանակ կասեցրել է առաջխաղացման մրցույթները և զանգահարում է դատարանների նախագահներին, որպեսզի վերջիններս հորդորեն դատավորներին՝ չմիանալ կամ հետ կանգնել արտահերթ նիստ հրավիրելու նախաձեռնությունից:
Սակայն, մեր տեղեկություններով, նիստն, այնուամենայնիվ, կկայանա:
Իսկ օրակարգի հարցը վերաբերում է դատավորների առաջխաղացման ցուցակների մրցույթներին: Դատավորները դժգոհ են, որ Գագիկ Հարությունյանի և ԲԴԽ այլ անդամների թեթև ձեռքով մրցույթում «հաղթում» են, այսպես կոչված, դրսի մարդիկ՝ առավելապես շեշտադրելով գիտական գործունեությունը, այլ ոչ թե աշխատանքային փորձը:
Արդյունքում փորձառու դատավորները «կտրվում» են, որոշ դեպքերում ընդհանրապես առաջխաղացման բոլոր հնարավորությունները փակվում են:
Երեկ ամբողջ օրը փորձեցինք ճշտել նաև Դատական դեպարտամենտի մոտեցումները, սակայն ապարդյուն. լրատվական ծառայությունում հեռախոսազանգերին հետևողականորեն չէին պատասխանում:
Առավել մանրամասն՝ թերթի այսօրվա համարում:
