04.06.2026 | 23:53
Նա, ով վարչական ռեսուրս կօգտագործի, իմ անձնական թշնամին է. Նիկոլ Փաշինյան. ՏԵՍԱՆՅՈՒԹ
Վարագ Սիսեռյանն ունի ավելի քան 436 մլն դրամի գույք
Տնտեսություն
24.07.2018 | 21:42
«Հանրային ծառայության մասին» ՀՀ գործող օրենքի համաձայն՝ ՀՀ փոխվարչապետի գրասենյակի ղեկավարի համար գույքի, եկամուտների և շահերի հայտարարագիր ներկայացնելու պահանջ սահմանող դրույթն ուժի մեջ է մտնում 2019 թվականի հունվարի մեկին և պարտավորություն սահմանում մինչև 2019 թվականի մարտի 31-ը հայտարարագիր ներկայացնել Կոռուպցիայի կանխարգելման հանձնաժողով: Այս մասին իր ֆեյսբուքյան էջում գրել է ՀՀ փոխվարչապետի գրասենյակի ղեկավար Վարագ Սիսեռյանը:
«Հաշվի առնելով, որ քանի դեռ օրենքի այս դրույթը ուժի մեջ չի մտել, չեմ կարող օրենքով սահմանված կարգով հայտարարագիր ներկայացնել,
միաժամանակ հավատարիմ մնալով հաշվետու և թափանցիկ կառավարման որդեգրված քաղաքականությանը,
բացառելով հետագայում հնարավոր շահարկումները՝
ստորև ներկայացնում եմ պաշտոնը ստանձնելու պահին գույքիս և եկամուտներիս կազմը»,-ասված է գրառման մեջ։
