Արայիկ Հարությունյանը մասնակցել է «Բարձր տեխնոլոգիաների ոլորտում համաշխարհային ներդրման համար ՀՀ պետական մրցանակ» թեմայով հատուկ ծրարի մարմանը

Լուրեր

21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
Բոլորը

Վարչապետի աշխատակազմի ղեկավար Արայիկ Հարությունյանն այսօր մասնակցել է «Սիլիկոնային սարեր 2023» ամենամյա միջազգային տեխնոլոգիական գագաթնաժողովի պաշտոնական բացման արարողությանը․ տեղեկացնում են ՀՀ կառավարությունից։

Խելացի երկրի մարտահրավերներին նվիրված գագաթնաժողովի շրջանակում տեղի է ունեցել «Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակ» թեմայով հատուկ ծրարի մարման արարողությունը: ՀՀ պետական մրցանակի 2022թ. դափնեկիրն է Adobe ընկերության նախագահ և գործադիր տնօրեն Շանթանու Նարայենը, ում մրցանակը նախատեսվում է հանձնել գագաթնաժողովի շրջանակներում:

Մինչ հատուկ ծրարի մարման արարողությունը, Վարչապետի աշխատակազմի ղեկավարը ողջունել է ներկաներին և շնորհավորել այս կարևոր իրադարձության կապակցությամբ: «Պետությունն ունի չորս խորհրդանիշ, որոնցից մեկը նամականիշն է: Իրականում, մեր կյանքում՝ տարվա, ամիսների, շաբաթների, օրերի ընթացքում բազմաթիվ իրադարձություններ են տեղի ունենում, բայց դրանցից քչերն են արտացոլվում նամականիշի վրա: Ես շատ ուրախ եմ, որ հենց կոնկրետ այս իրադարձությունն արդեն որերորդ անգամ նամականիշի մարումով է նշանավորվում, որովհետև Հայաստանի Հանրապետությունն ավանդաբար մեծ ուշադրություն է դարձրել, դարձնում և դարձնելու բարձր տեխնոլոգիաների ոլորտի զարգացմանը: Այդ պատճառով տարիներ առաջ ստեղծվեց համանուն նախարարությունը, որպեսզի դրանով նշանավորվի մեր հանձնառությունը ոլորտը զարգացնելու ուղղությամբ»,-ասել է Արայիկ Հարությունյանը:

Վարչապետի աշխատակազմի ղեկավարն ուրախությամբ է ընդգծել, որ այս մրցանակի շրջանակներում Հայաստանում հյուրընկալվում են աշխարհում այս ոլորտի մեծանուն ներկայացուցիչները, այս դեպքում՝ Շանթանու Նարայենը: «Ես ուզում եմ այսօր մի քիչ առաջ ընկնելով շնորհավորել նրան այս մրցանակը ստանալու առիթով և շնորհավորել բոլորիս նամականիշի մարման արարողության առիթով»,-իր խոսքը եզրափակել է Արայիկ Հարությունյանը:

Ծրարի մարումն իրականացրել են Վարչապետի աշխատակազմի ղեկավար Արայիկ Հարությունյանը, Բարձր տեխնոլոգիական արդյունաբերության նախարար Ռոբերտ Խաչատրյանը, Բարձր տեխնոլոգիաների ոլորտում պետական մրցանակին արժանացած 13-րդ դափնեկիր Շանթանու Նարայենը, Ֆիլատելիստների հայկական ասոցիացիայի նախագահ Հովիկ Մուսայելյանը:

Հատուկ ծրարի վրա պատկերված է 2022 թվականին Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակին արժանացած 13-րդ դափնեկիրը՝ Adobe ընկերության նախագահ և գլխավոր գործադիր տնօրեն Շանթանու Նարայենը: Ծրարի վրա փակցված է 2018 թվականին թողարկված «Տեղեկատվական տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակ» թեմային նվիրված երկու նամականիշ: Ծրարը պատրաստվել է 500 օրինակով: