15.12.2025 | 12:54
Շատ խոշոր բիզնեսներ կրպակից չեն տարբերվում, տեղից շարժվե՛ք․ Ավինյան. ՏԵՍԱՆՅՈՒԹ
«Մայր Հայաստան»-ի ավագանու երկու անդամ հրաժարվել է մանդատից, Թևանյանը դեռևս որոշում չունի
Քաղաքականություն
17.10.2023 | 12:08
«Մայր Հայաստան» խմբակցությունը կվերցնի ավագանու մանդատները։ Այս մասին Factor.am-ին փոխանցեցին դաշինքից։ Այս պահին դեռ պարզ չէ՝ դաշինքը գլխավորող Անդրանիկ Թևանյանն ինչպես կվարվի՝ կվերցնի՞, թե՞ վայր կդնի ավագանու մանդատը։ Դաշինքից փոխանցեցին, որ այս մասով ակտիվ քննարկումներ են։ Չկա նաև որոշում, թե ովքեր են լինելու խմբակցության ղեկավարն ու քարտուղարը։
Հիշեցնենք՝ խմբակցությունը բոյկոտել էր ավագանու անդրանիկ նիստը, չի մասնակցել նաև քաղաքապետի երդմնակալության արարողությանը։ Հայտնի չէ նաև՝ կմասնակցե՞ն ավագանու հերթական նիստին, թե՞ ոչ։ «Մայր Հայաստան» խմբակցությունն ավագանիում ունի 12 մանդատ։ Անդամներից երկուսը՝ Դուստրիկ Մխիթարյանն ու Ադրինե Ավագյանը մանդատից հրաժարվելու դիմումներ են ներկայացրել, Factor.am-ին հայտնեց քաղաքապետի մամուլի քարտուղար Հայկ Կոստանյանը։ Նրանց կփոխարինեն դաշինքի հաջորդ համարները՝ Արմեն Քոչարյանն ու Գրիգոր Իսկանդարյանը։
Հիշեցնենք նաև, որ Անդրանիկ Թևանյանը ավագանու ընտրություններին մասնակցելու համար վայր էր դրել պատգամավորական մանդատը։
Արփի Հակոբյան
