Քաղաքականություն
23.07.2018 | 22:44ՀՀ պետական վերահսկողական ծառայությունը ակտիվորեն համագործակցում է իրավապահ մարմինների հետ և առաջիկայում այդ համագործակցությունն ավելի մեծ ծավալների է հասնելու: Այս մասին այսօր ֆեյսբուքյան ուղիղ եթերում, պատասխանելով օգտատերերից մեկի հարցին, ասաց Պետական վերահսկողության ծառայության պետ Դավիթ Սանասարյանը:
Անդրադառնալով հարցին՝ ինչո՞ւ իր ղեկավարած գերատեսչությունը ՀՀ ՊՆ-ում ստուգումներ չի իրականացնում, Դավիթ Սանասարյանն ասաց. «Մենք ուսումնասիրություն ենք կատարելու առաջիկայում: Քանի որ ՊՆ-ում կոնկրետ գործի հետ կա հարուցված քրեական գործ, դրա հետևանքով այլ մարմիններ չեն կարող գործողություններ իրականացնել: Հետևում ենք այդ քրեական գործին, վարչապետի հետ շատ ենք քննարկել նաև այդ հարցը, անդրադառնալու ենք անպայման»:
Մանրամասները՝ տեսանյութում:
