15.10.2026 | 21:13
ԱՄՆ-ը կարող է Իրանի դեմ MOAB ռումբեր կիրառել. CNN
ԱԺ աշխատակցի «ուդոն» այնքան կարևոր է, որ համաձայնվել են անգամ անվճար աշխատել. «Հրապարակ»
07.07.2017 | 09:30
«Հրապարակ» թերթը գրում է. «Գրել էինք, որ ԱԺ նախագահի 22 խորհրդական-օգնականներից մնալու են 6-ը։ Սակայն ոմանց համար ԱԺ աշխատակցի «ուդոն»՝ վկայականը, կարևոր է, ուստի պատրաստ են անգամ անվճար աշխատել, օրինակ, նավթի բիզնեսում հայտնի Վահագն Գրիգորյանը, նախկին մարզպետ Ալբերտ Հերոյանը, Վրույր Փենեսյանը, Լատվիայում պատվավոր հյուպատոս Արմեն Ղասաբօղլյանը, նախկին դատախազ Սեյրան Յուզբաշյանը։
Վարձատրվող խորհրդական կլինի Վրեժ Գասպարյանը՝ ԱԺ իրավաբանական վարչության նախկին պետը, Նիկոյանի ժամանակ՝ ԱԺ աշխատակազմի ղեկավարը, Հովիկ Աբրահամյանի գլխավոր խորհրդականը, ինչպեսև Գագիկ Նահապետյանը։ Բաբլոյանին խորհուրդ կտան նաև նախկին պատգամավոր, 72-ամյա Մկրտիչ Մինասյանը՝ վճարովի հիմունքներով, և Վազգեն Կարախանյանը՝ անվճար։
Տեղեկացանք նաև, որ Տիգրան Սարգսյանի եղբորորդուն՝ քաղաքագետ Սուրեն Սարգսյանին ևս առաջարկվել է ԱԺ նախագահի խորհրդական աշխատել՝ հասարակական հիմունքներով։ Նա դեռ մտածում է»:
Առավել մանրամասն՝ թերթի այսօրվա համարում
