12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Ադրբեջանը վերածվել է վտանգի, սպառնալիքի միջազգային անվտանգության ու միջազգային իրավունքի համար. Ռուբեն Ռուբինյան
Քաղաքականություն
12.10.2023 | 21:53
ԵԽԽՎ նիստում Արցախի վերաբերյալ քննարկմանը Հայաստանի պատվիրակ Ռուբեն Ռուբինյանն իր ելույթում հայտարարել է, որ 2001 թվականին, երբ Ադրբեջանը դարձել է այդ կառույցի անդամ, պարտավորություն է ստանձնել ԼՂ-ի հակամարտությունը լուծել խաղաղ ճանապարհով։
«Սակայն 2020 թվականին Բաքուն պատերազմ հայտարարեց ԼՂ-ին, անցած երեք տարիներին, անցյալ ամիս նրանք կրկին հարձակվեցին ԼՂ-ի վրա՝ դա անվանելով «հակաահաբեկչական օպերացիա»։ Մենք գիտենք որ նրանք ԼՂ-ի բոլոր հայերին համարում են ահաբեկիչներ։ Եվ կրկին հպարտանում են ուժի կիրառմամբ»,- նշել է Ռուբինյանը։
Նա հիշեցրել է, որ սեպտեմբերի այս հարձակումը հաջորդել է 9-ամսյա շրջափակմանը, և այս շրջափակման նպատակը միշտ պարզ է եղել՝ սովահար անել մարդկանց, ցրտահարության մատնել, հետո հարձակվել ու մեկ ուղղությամբ բացել Լաչինի միջանցքը։ Ռուբինյանը նշել է, որ ամիսներ առաջ Ադրբեջանի նախագահն այս մասին հրապարակային է հայտարարել։
Ռուբեն Ռուբինյանը խոսել է նաև Ադրբեջանի պատվիրակների վարքագծի մասին։
«Բաց թրոլինգ է մեր Ադրբեջանի գործընկերների կողմից։ Հիշում եք, որ 9 ամիս նրանք ասում էին՝ շրջափակում չկա։ Զեկուցողը Հայաստանում տեսել է, որ Լաչինի միջանցքը փակ է, նրանք ասում էին՝ բաց է։ Հետո զանգվածային ուժեր էին կենտրոնացրել ԼՂ-ի հետ շփման գծում։ Բոլորն ասում էին՝ Ադրբեջանը պատրաստում է հարձակում։ Նրանք ասում էին՝ ոչ։ Ձեզանից ոմանք, որոնք մասնակցում էին կոմիտեի համատեղ նիստին, լսեցին, թե ինչպես այստեղի ադրբեջանցի գործընկերները Հայաստանը կոչում են «Արևմտյան Ադրբեջան»։ Սա արտացոլումն է այն բանի, թե ինչի է վերածվել Ադրբեջանը․ այն վերածվել է վտանգի, սպառնալիքի միջազգային անվտանգային ճարտարապետության ու միջազգային իրավունքի համար։ Ադրբեջանին պետք է կանգնեցնել»,- իր ելույթում հայտարարել է Ռուբեն Ռուբինյանը։
Էմմա Չոբանյան
