14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուղարկել, թե՞ չուղարկել՝ սա է խնդիրը․ զինվորներին ծանրոցներ ուղարկելու հարցի շուրջ վարչապետը և Պն-ն տարբեր դիրքորոշումնե՞ր ունեն. ՏԵՍԱՆՅՈՒԹ
Քաղաքականություն
23.07.2018 | 19:06
ՀՀ պաշտպանության նախարարությունը հուլիսի 20-ին հանդես եկավ հայտարարությամբ, թե նախարարի հրամանով ՀՀ ՊՆ, ԶՈՒ և ԶՈՒ ԳՇ մի շարք վարչությունների աշխատակիցների ներգրավմամբ ստեղծվել է աշխատանքային խումբ` պարտադիր ժամկետային զինծառայողներին ծանրոցներ ուղարկելու, դրանց պարունակությունը ստուգելու, զորամասերում հասցեատերերին հանձման գործընթացը կանոնակարգելու, ինչպես նաև` հասարակության շրջանում անհարկի շահարկումները բացառելու նպատակով:
Այս հայտարարությունը զարմանալի է, քանի որ Նիկոլ Փաշինյանը վարչապետ ընտրվելուց հետո մի քանի անգամ արդեն հայտարարել է, թե զինվորի համար անհրաժեշտ որևէ պարագա չպետք է ծնողն ուղարկի, և որ զինծառայությունը ծնողների համար չպետք է լրացուցիչ սոցիալական բեռ լինի: Ուստի հարց է ծագում՝ ՊՆ-ն ի՞նչ ծանրոցներ է կանոնակարգելու, եթե վարչապետն անձամբ խնդրել-պահանջել է ոչինչ չուղարկել: Չէ՞ որ ծանրոցով ծնողը զինվորին ոչ թե միջպետական փաստաթղթեր է ուղարկում, այլ հենց սնունդ, հագուստ, զինծառայության համար անհրաժեշտ այլ պարագաներ:
Կարծում ենք՝ հարցը ՊՆ պարզաբանման կարիքն ունի:
Մանրամասն՝ տեսանյութում:
Սևակ Հակոբյան
