21.12.2025 | 20:02
Հրազդանի հովտով դեպի հյուսիս-արևմուտք է տարածվում Արարատյան դաշտում առկա սառը օդի լճացման շերտը․ Սուրենյան
ԿԽՄԿ-ն Արցախում շարունակում է մարդկանց որոնումները
Քաղաքականություն
09.10.2023 | 13:25
Կարմիր Խաչի միջազգային կոմիտեն շարունակում է Արցախում մարդկանց որոնումները։ Այս մասին հայտնում է ԿԽՄԿ հայաստանյան գրասենյակը։
«Մեր թիմերը շարունակում են մնացած մարդկանց որոնումները, այդ թվում՝ տարեցների, հիվանդների և հաշմանդամների։ Անցած օրերին մեր այցելությունների ընթացքում բաժանվեցին սննդամթերքի և հիգիենայի փաթեթներ։ Մեզ հաջողվեց նաև վերականգնել երեք մարդու ընտանեկան կապերը Հայաստանում իրենց սիրելիների հետ։ Նրանք հանգստացան՝ խոսելով իրենց ընտանիքների հետ, որոնք տեղեկություն չունեին իրենց գտնվելու վայրի մասին»,- ասվում է հայաստանյան գրասենյակի X-ի էջում գրառման մեջ։
Նաև նշվում է, որ այցերին մասնակցում են նաև իրենց բժիշկները, որոնք իրականացրել են խոցելի անձանց առողջական վիճակի գնահատում՝ ապահովելով նրանց բժշկական կարիքների բավարարումը:
Հավելենք, որ Ադրբեջանի ագրեսիայի հետևանքով 100,000-ից ավելի էթնիկ հայեր բռնի տեղահանվել են Արցախից, տեղում, ըստ տարբեր հաշվակների, 100-ից էլ քիչ մարդ է մնացել։
Էմմա Չոբանյան
