12.12.2024 | 17:52
Բաղանիս, Բերքաբեր, Կիրանց, Գոմք բնակավայրերում բնակելի տուն կառուցելու նպատակով կտրամադրվի 21 մլն դրամ աջակցություն
Ընդամենը 1 ամիս պահանջվեց Սարիգյուղ-Ոսկեպար ճանապարհահատվածը մեծամասամբ վերականգնելու համար. Արսեն Խառատյան. ՏԵՍԱՆՅՈՒԹ
Տնտեսություն
23.07.2018 | 12:12
ՀՀ վարչապետ Նիկոլ Փաշինյանի խորհրդական Արսեն Խառատյանը ֆեյսբուքի իր էջում տեսանյութ է հրապարակել ու տեղեկացրել, որ վերականգնվել է Հայաստանի հյուսիսային 3 միջպետական ճանապարհներից մեկը:
«Հայաստանը Վրաստանի հետ կապող ռազմավարական նշանակություն ունեցող ճանապարհները Սերժ Սարգսյանի Հայաստանում մի քանի տարի հնարավոր չէր լինում նորոգել: Ընդամենը 1 ամիս պահանջվեց հյուսիսի 3 միջպետական ճանապարհներից մեկի, Տավուշի վատթարագույն` Սարիգյուղ-Ոսկեպար հատվածը մեծամասամբ հիմնարար վերականգնելու համար: Այս տեմպով նորոգման աշխատանքները շարունակելու պարագայում մինչև ամառվա վերջ ավարտված կլինի նաև Ջուջևան-Նոյեմբերյան հատվածը: Զուգահեռաբար աշխատանքներ են տարվում Լոռվա ձորի ճանապարհի նորոգումն ավարտին հասցնելու համար:
Ակնհայտ է, որ այս ու նմանատիպ այլ բազային խնդիրներ լուծելու համար կախարդական փայտիկի կարիք չկա, եթե առկա է կոռուպցիան արմատախիլ անելու քաղաքական կամքը:
Բոլորիս անվտանգ երթևեկություն եմ մաղթում…»,- գրել է նա:
