11.07.2026 | 17:13
Քննարկվել են ԲՏՃՄ կրթության զարգացման ուղղությամբ Հայաստան–ՅՈՒՆԵՍԿՕ համագործակցության ընդլայնման հնարավորությունները
Ալիևը հայտարարել է, որ առաջիկայում «3+3» ձևաչափով հանդիպումներ կլինեն
Քաղաքականություն
06.10.2023 | 22:39
Ադրբեջանի նախագահ Իլհամ Ալիևն այսօր ընդունել է Իրանի ճանապարհների և քաղաքաշինության նախարար Մեհրդատ Բազրփաշին։ Զրուցակիցները, ի թիվս այլ հարցերի, քննարկել են նաև իրավիճակը տարածաշրջանում։
«Ինտերֆաքս»-ի ադրբեջանական ծառայության փոխանցմամբ՝ Ալիևը, անդրադառնալով տարածաշրջանում տիրող իրավիճակին, կարևորել է խնդիրների լուծումը հենց տարածաշրջանի երկրների մասնակցությամբ:
«Նա նշել է, որ Ադրբեջանը «3+3» համագործակցության ձևաչափի նախաձեռնողն է (Ադրբեջան, Վրաստան, Հայաստան, Թուրքիա, Ռուսաստան և Իրան), իսկ այն փաստը, որ առաջիկայում այդ ձևաչափով հանդիպումներ կլինեն, նա գնահատել է որպես դրական քայլ»,- նշվում է հաղորդագրության մեջ:
Հիշեցնենք՝ 3+3 խորհրդատվական տարածաշրջանային հարթակի առաջին հանդիպումը՝ Ռուսաստանի Դաշնության, Ադրբեջանի, Հայաստանի, Թուրքիայի փոխարտգործնախարարների և Իրանի ԱԳՆ գլխավոր տնօրենի համանախագահությամբ, տեղի է ունեցել 2021 թվականի դեկտեմբերին Մոսկվայում։ Ավելի վաղ Վրաստանի ԱԳՆ-ն հայտարարել էր, որ Թբիլիսին հրաժարվում է մասնակցել տարածաշրջանային այս ձևաչափով քննարկումներին։
