Քաղաքականություն
05.10.2023 | 22:46
Ավարտվել է Ասկերանի, Մարտակերտի և Շուշիի շրջաններում կողմերի շփման նախկին գծի երկայնքով ժամանակավոր դիտակետերի ապամոնտաժումը։ Այս մասին տեղեկացնում են ՌԴ ՊՆ-ից։
«Ի կատարումն մարտական գործողությունների դադարեցման մասին ձեռք բերված պայմանավորվածությունների՝ ռուս խաղաղապահների վերահսկողության ներքո շարունակվել է Լեռնային Ղարաբաղի զինված կազմավորումների պահեստներում սպառազինության, ռազմական տեխնիկայի, հրաձգային զենքի և զինամթերքի հաշվարկը: Հոկտեմբերի 5-ի դրությամբ՝ հանձնվել է 84 միավոր զրահատեխնիկա, 121 միավոր ավտոմոբիլային տեխնիկա, 121 միավոր ՀՕՊ միջոցներ, 105 միավոր դաշտային հրետանային հրանոթներ, Համազարկային կրակի ռեակտիվ համակարգ և ականանետեր, 1 միավոր ԱԹՍ, ավելի քան 7 հազար միավոր հրաձգային զենք և հակատանկային միջոցներ, շուրջ 58,5 մլն զինամթերք»,- ասված է ՌԴ ՊՆ-ի տարածած հաղորդագրության մեջ:
