15.01.2026 | 21:54
Մինեապոլիսում ներգաղթի աշխատակիցը կրակել է վենեսուելացի ներգաղթյալի ոտքին
Թուրքիայի տարեկան գնաճը գերազանցել է 61 տոկոսը
Քաղաքականություն
04.10.2023 | 22:21
Թուրքիայում հրապարակված պաշտոնական տվյալների համաձայն՝ սեպտեմբերին երկրում տարեկան գնաճը կազմել է 61,53 տոկոս, իսկ սպառողական գների ամսական գնաճը կազմել է 4,75 տոկոս։ Սա արտացոլում է հուլիսից ի վեր Թուրքիայում գնաճի տարեկան ցուցանիշի աճի միտման շարունակությունը:
Թուրքիայի վիճակագրական ինստիտուտի (TUIK) հրապարակած տվյալները ցույց են տվել, որ ամսական սպառողական գները փոքր-ինչ նվազել են օգոստոսի 9,09 տոկոսից։
Թուրքիայում գնաճը կրկին սկսեց ավելանալ հուլիսին՝ ութամսյա նվազման միտումից հետո, որը բորբոքել էր երկրի կենսապահովման ծախսերի սուր ճգնաժամը: Ելույթ ունենալով անցյալ շաբաթ՝ Թուրքիայի ֆինանսների նախարար Մեհմեդ Շիմշեքը նշել է, որ նպատակը մինչև 2026 թվականը գնաճը միանիշ թվի իջեցնելն է՝ հանրությանը համբերության կոչ անելով։
Շիմշեքը Կենտրոնական բանկի ղեկավար Հաֆիզե Գայե Էրքանի հետ միասին նշանակվել է Թուրքիայի ճգնաժամային տնտեսության կառավարման ղեկին՝ մայիսին Թուրքիայի նախագահ Ռեջեփ Թայիփ Էրդողանի վերընտրվելուց և «ռացիոնալ» տնտեսական քաղաքականությանը վերադառնալուց հետո: Որպես տնտեսական քաղաքականության փոփոխության մաս՝ Էրքանի ղեկավարությամբ Կենտրոնական բանկը հունիսից անընդմեջ բարձրացրել է տոկոսադրույքները մինչև 30 տոկոսի։ Այս ամենի հետևանքով էլ տարեկան գնաճը հասել էր 24 տարվա առավելագույնին՝ 85,5 տոկոսի։
Էմմա Չոբանյան
