11.07.2026 | 14:19
Նիկոլ Փաշինյանը դատի է տվել նախկին թիմակից Սոֆիա Հովսեփյանին. պահանջում է հերքում և 6 մլն դրամ
Ալիևը հրաժարվել է Գրանադա այցից և Փաշինյանի հետ բանակցություններից
Քաղաքականություն
04.10.2023 | 13:59
Ադրբեջանի նախագահ Իլհամ Ալիևը հրաժարվել է մասնակցել վաղը Իսպանիայի Գրանդա քաղաքում նախատեսված հանդիպմանը։ Հիշեցնենք՝ Գրանադայում Եվրոպական քաղաքական համայնքի համաժողովի շրջանակում նախատեսվում էր ՀՀ վարչապետ Նիկոլ Փաշինյանի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, ԵՄ Խորհրդի նախագահ Շառլ Միշելի և Ադրբեջանի նախագահ Իլհամ Ալիևի հանդիպումը։
Ադրբեջանական քարոզչական լրատվամիջոցները հայտնում են, որ Բաքուն հրաժարվել է դրան մասնակցել, թեպետ նախապես ամեն ինչ համաձայնեցված և ծրագրված էր։
Նշվում է, որ Ադրբեջանը պնդել է հանդիպմանը Թուրքիայի մասնակցության հարցում, սակայն մերժվել է․ Անկարայի մասնակցությանը դեմ են եղել հատկապես Ֆրանսիան ու Գերմանիան։
Ուշագրավ է, որ հոկտեմբերի 2-ին Ալիևը հրապարակավ խոսել էր Գրանադայում կայանալիք հանդիպմումից և հույս հայտնել, որ այն խթան կհաղորդի տարածաշրջանում խաղաղության օրակարգի զարգացմանը։ Նա, սակայն, Թուրքիայի հետ կապված ոչինչ չէր ասել։
«Հայաստանի, Ֆրանսիայի, Գերմանիայի և, վերջապես, Շառլ Միշելի վերջին հայտարարությունները պարզ դարձրեցին, որ այս հարթակում տիրում է հակաադրբեջանական մթնոլորտ։ Հայաստան կատարած այցի ժամանակ Ֆրանսիայի ԱԳ նախարարի հայտարարությունները ցույց տվեցին, որ այս երկիրը շատ կոշտ, գրեթե թշնամական դիրքորոշում է բռնել Ադրբեջանի նկատմամբ»,- գրում են ադբեջանական քարոզչական լրատվականները՝ հավելելով, որ այդ պատճառով է Բաքուն հրաժարվել Գրանադայի բանակցություններից։
Էմմա Չոբանյան
