09.04.2026 | 17:59
ԲԿՄԱ-ին տեխնիկական պարտություն է գրանցվել «Ուրարտուի» դեմ խաղում
Վ. Օսիպյանն ընդունեց ՀՀ-ում Վրաստանի արտակարգ և լիազոր դեսպան Գիորգի Սագանելիձեին:
Քաղաքականություն
20.07.2018 | 21:58
Հուլիսի 20-ին ՀՀ ոստիկանության պետ Վալերիյ Օսիպյանն ընդունեց Հայաստանի Հանրապետությունում Վրաստանի արտակարգ և լիազոր դեսպան Գիորգի Սագանելիձեին:
Ողջունելով հյուրին՝ Վալերիյ Օսիպյանը կարևորեց Հայաստանի և Վրաստանի ոստիկանական կառույցների սերտ հարաբերություններն ու ամենօրյա գործընկերությունը, ինչը սկզբունքային գործոն է արդի հանցավոր մարտահրավերների դեմ համատեղ պայքարի գործում:
Շնորհակալություն հայտնելով ջերմ ընդունելության համար՝ Գիորգի Սագանելիձեն շնորհավորեց Վալերիյ Օսիպյանին նշանակման առթիվ և հավաստեց, որ դեսպանությունը միշտ պատրաստակամ է աջակցելու երկու երկրների իրավապահների համագործակցության խորացմանը:
Երկուստեք կարևորվեցին փորձի փոխանակման, երկու երկրների տարածքում հետախուզվողների հայտնաբերման, արտահանձնման, օպերատիվ կապի ամրապնդման ոլորտներում առավել արդյունավետ համագործակցելու հնարավորությունները:
Հանդիպման ընթացքում քննարկվեցին փոխադարձ հետաքրքրություն ներկայացնող այլ հարցեր ևս:
