Քաղաքականություն
01.10.2023 | 22:25
Ադրբեջանի իշխանությունները շարունակում են Արցախի նախկին պաշտոնյաների նկատմամբ հետապնդումները։ Պաշտոնական Բաքուն Արցախի պաշտպանության բանակի ինքնապաշտպանական գործողությունները անվանում է «ահաբեկչական», իսկ ԱՀ իշխանություններին՝ «անջատողականներ»։
«Ղարաբաղում հանցագործություն կատարած ավելի քան 300 հայ անջատողականների նկատմամբ միջազգային հետախուզում է հայտարարվել»,- լրագրողների հետ զրույցում հայտնել է Ադրբեջանի գլխավոր դատախազ Քեմրան Ալիևը՝ հավելելով, որ հարուցվել է շուրջ 300 քրեական գործ։
Ալիևը պնդել է, թե «հանցագործություններ են արձանագրել» ղարաբաղյան հակամարտության սկզբից ի վեր, ունեն շատ հիմնավոր ապացույցներ, սակայն չի ուզում շատ խոսել այդ մասին, քանի որ չի ուզում խախտել անմեղության կանխավարկածը։
