23.02.2026 | 21:40
Քաղաքական խորհրդակցություններ՝ Հայաստանի և Քենիայի ԱԳՆ-ների միջև
Առևտուր կեղծ թղթադրամով․ Հրազդանի ոստիկանների բացահայտումը
Հասարակություն
30.09.2023 | 15:45
Սեպտեմբերի 29-ին Հրազդանի ոստիկանները ստացել էին օպերատիվ հավաստի տեղեկություն, որ երեք օր առաջ Հրազդանի Միկրոշրջան թաղամասի բնակիչ, 19-ամյա մի երիտասարդ 15-ամյա մի պատանու տվել է կեղծ 20 հազարանոց, որպեսզի նա դրանով ծխախոտ գնի։ Պատանին երկու տուփ ծխախոտ էր գնել Հրազդանի Զորավար Անդրանիկի փողոցում գործող մի խանութից, և վաճառողուհին, ծխախոտից բացի, նրան որպես մանր տվել էր 18.450 դրամ։
Ձեռնարկված օպերատիվ-հետախուզական միջոցառումների արդյունքում նույն օրը պատանին ներկայացվել է բաժին, իսկ ժամը 13.30-ին Միկրոշրջան թաղամասում հայտնաբերվել, հանցանք կատարած լինելու կասկածանքով ձերբակալվել ու բաժին է տեղափոխվել 19-ամյա երիտասարդը։
Բաժին է հրավիրվել նաև վաճառողուհուն, որից ընդունվել է հաղորդում:
Դեպքի առթիվ Կոտայքի մարզային քննչական վարչությունում նախաձեռնվել է քրեկան վարույթ, որի շրջանակներում որոշում է կայացվել երիտասարդին ձերբակալելու և ձերբակալվածների պահման վայր տեղափոխելու մասին:
Հանգամանքները պարզվում են:
