25.02.2026 | 20:22
Չպետք է լիներ բանտում, բայց մահացավ անազատության մեջ․ ՏԵՍԱՆՅՈՒԹ
Արցախից Հայաստան եկածների թիվը մոտենում է 100 հազարի. ՏԵՍԱՆՅՈՒԹ
29.09.2023 | 20:28
ԼՂ-ից բռնի տեղահանվել է 98.625 անձ: Հակարիի կամուրջը այս պահի դրությամբ հատել է 20.892 տրանսպորատային միջոց: Այս մասին հումանիտար կենտրոնի աշխատանքները ներկայացնող ասուլիսի ժամանակ ասաց ՀՀ վարչապետի մամուլի քարտուղար Նազելի Բաղդասարյանը՝ ներկայացնելով ժամը 20:00-ի դրությամբ առկա տվյալները:
Լեռնային Ղարաբաղից բռնի տեղահանված և Հայաստան տեղափոխված անձանցից 27 հազար 396-ը օգտվել է պետության տրամադրած կեցավայրերից:
«Այս պահի դրությամբ 27 հազար 396 անձ օգտվել է պետության կողմից տրամադրված կեցավայրերից»,-ասաց Բաղդասարյանը:
Արագածոտնի մարզում տեղաբաշխվել է 1617 անձ, Արարատի մարզում՝ 6139, Արմավիրի մարզում՝ 2749, Գեղարքունիքում՝ 2398, Լոռիում՝ 1404, Կոտայքում՝ 7078, Շիրակում՝ 1067, Սյունիքում՝ 2094, Վայոց ձորում՝ 1613, Տավուշում՝ 1237:
