14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԵՄ-ն հայտարարել է ԼՂ բնակիչներին լրացուցիչ մարդասիրական օգնություն ցուցաբերելու պատրաստակամության մասին
Քաղաքականություն
29.09.2023 | 15:43
Եվրամիությունը և անդամ պետությունները պատրաստ են լրացուցիչ մարդասիրական օգնություն ցուցաբերել Լեռնային Ղարաբաղի բնակիչներին։ ՌԻԱ Նովոստիին այս մասին ասել է ԵՄ արտաքին քաղաքականության ծառայության պաշտոնական ներկայացուցիչ Պետեր Ստանոն։
«Եվրահանձնաժողովը հայտարարել է 5 միլիոն եվրոյի հավելյալ մարդասիրական օգնության փաթեթի մասին, ԵՄ-ն և անդամ երկրները պատրաստ են հավելյալ մարդասիրական օգնություն տրամադրել»,- ասել է նա։
Ստանոն հավելել է, որ ԵՄ-ն նաև կոչ է անում «Ադրբեջանին թույլ տալ միջազգային հասանելիություն Լեռնային Ղարաբաղ՝ տեղում իրավիճակի անկախ մոնիթորինգ ապահովելու համար»:
«Մենք կրկին հայտարարում ենք, որ Ադրբեջանը պատասխանատվություն է կրում Ղարաբաղի հայերի իրավունքների և անվտանգության ապահովման համար, ներառյալ՝ նրանց արժանապատիվ, առանց ահաբեկման և խտրականության սեփական տներում ապրելու համար, ինչպես նաև տեղահանվածների վերադարձի իրավունքը»,- ասել է Ստանոն։
