02.11.2024 | 15:05
«Գոյ» թատրոնը կվերսկսի իր բնականոն աշխատանքը
Արցախում միջազգային առաքելությունը բացառող Հաջիևը հիմա էլ խոսել է առաջիկա օրերին ՄԱԿ-ի փորձագետների այցի մասին
Քաղաքականություն
29.09.2023 | 17:35
Առաջիկա օրերին սպասվում է ՄԱԿ-ի փորձագետների միջազգային խմբի այցը Լեռնային Ղարաբաղ։ Նման հայտարարությամբ է հանդես եկել Ադրբեջանի նախագահի օգնական Հիքմեթ Հաջիևը CBC News-ին տված հարցազրույցում, փոխանցում են ադրբեջանական լրատվամիջոցները։
Նա նշել է, թե Բաքուն մտադիր է մի քանի օրվա ընթացքում թույլ տալ ՄԱԿ-ի փորձագետների միջազգային խմբի այցը՝ հավելելով, որ արտասահմանյան լրատվամիջոցները նույնպես հնարավորություն կունենան այցելել տարածաշրջան:
Հաջիևը հերթական կեղծիքն է հնչեցրել, թե Ադրբեջանը «նպատակ չունի ստիպել Ղարաբաղի հայերին լքել շրջանը, հակառակը՝ երաշխավորում է նրանց անվտանգությունը, եթե նրանք մնան»։
Հավելենք, որ երկու օր առաջ Հաջիևը հակառակն էր հայտարարել։ Նա նշել էր, թե Բաքուն Լեռնային Ղարաբաղի հարցում միջազգային դիտորդական առաքելության անհրաժեշտություն չի տեսնում։
«Ոչ մի միջազգային դիտորդական առաքելության կարիք չկա, քանի որ իրողությունները տեղում ակնհայտ են։ Ադրբեջանը թաքցնելու ոչինչ չունի»,- ասել էր Հիքմեթ Հաջիևը։
Էմմա Չոբանյան
