Քաղաքականություն
29.09.2023 | 15:00
Լեռնային Ղարաբաղի գրեթե բոլոր բնակիչները կարող են լքել տարածաշրջանը՝ փախչելով Ադրբեջանի ռազմական գործողության հետևանքներից։ Նման մտահոգություն է հայտնել Գերմանիայի ԱԳՆ Հարավային Կովկասի հետ համագործակցության համակարգող Ռոբին Վագեները Table.Media-ին տված հարցազրույցում, գրում է DW-ի ռուսական ծառայությունը։
«Արդեն մի քանի օր է՝ տասնյակ հազարավոր մարդկանցով մեքենաների շարասյունները շարժվում են Լեռնային Ղարաբաղից Հայաստան տանող ճանապարհով։ Պետք է վախենալ, որ առաջիկա օրերին բնակիչների ճնշող մեծամասնությունը կմիանան նրանց, ինչի պատճառով էլ Լեռնային Ղարաբաղը կարող է գրեթե ամայանալ»,- ասել է Վագեները:
Չնայած Հայաստանի հետ շարունակվող խաղաղ բանակցություններին՝ Ադրբեջանը հույսը դրել է ռազմական լուծման վրա, ընդգծել է Գերմանիայում իշխող կոալիցիայի մաս կազմող «Միություն 90/Կանաչներ» կուսակցության անդամ Ռոբերտ Վագեները։
«Լեռնային Ղարաբաղի բնակիչներից շատերն այլևս չեն տեսնում իրենց անվտանգ ապագան տարածաշրջանում»,- հայտարարել է նա։
