15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Պեսկովը հույս է հայտնել, որ Հայաստանի կողմից Հռոմի ստատուտի վավերացումը չի ազդի երկկողմ հարաբերությունների վրա
Քաղաքականություն
28.09.2023 | 17:24
ՌԴ նախագահի մամուլի խոսնակ Դմիտրի Պեսկովը լրագրողներին ասել է, որ ծանոթ չէ Հռոմի ստատուտի իրավական լուծմանը վերաբերող Հայաստանի առաջարկած համաձայնագրի մանրամասներին, գրում է ՏԱՍՍ-ը։
«Չեմ կարող մանրամասնել։ Երևանի կողմից որոշակի փաստարկ կար այս կանոնադրության ընդունման անհրաժեշտության օգտին։ Սակայն ես չեմ տիրապետում երկկողմ պայմանավորվածությունների վերաբերյալ այդ առաջարկի մանրամասներին»,- ասել է Պեսկովը։
Նա նշել է, որ եթե Հայաստանը ստանձնում է միջազգային պարտավորություններ, ապա «պետք է հասկանալ, թե ինչն է համարում գերակա»՝ հավելելով, որ Հայաստանն ինքնիշխան պետություն է։
«Մենք, իհարկե, հուսով ենք, որ նման որոշումները բացասաբար չեն ազդի մեր երկկողմ հարաբերությունների վրա, քանի որ այստեղ մենք խոսում ենք մի կանոնադրության մասին, որը չենք ճանաչում, մենք դրա կողմ չենք»,- ասել է նա։
Բացի այդ, Պեսկովը նաև Հռոմի ստատուտը վավերացնելու՝ Հայաստանի որոշումն անվանել է Ռուսաստանի հանդեպ «թշնամական»։
Էմմա Չոբանյան
